धरान/सन् २०१८ को विश्वकप फुटबलको लागि भएको छनौट खेलमा अर्जेन्टिना बराबरीमा रोकिएको छ ।
मेसी बिना मैदानमा उत्रिएको अर्जेन्टिना पेरुसँग २–२ गोलको बराबरीमा रोकिएको हो । शुक्रबार भएको खेलमा पेरुले अन्त्यतिर पाएको पेनाल्टीको गोलको मद्दतले अर्जेन्टिनालाई बराबरीमा रोक्न सफल भएको हो ।
यस अघिको खेलमा पनि अर्जेन्टिना भेनेजुएलासँग बराबरीमा रोकिएको थियो । अर्जेन्टिनाले १५ औं मिनेटमा मोरीको गोलबाट अग्रता कायम गरेको थियो । तर, दोस्रो हाफको ५८ औं मिनेटमा घरेलु टोलीका लागि गरेरोले बराबरी गोल फर्काए ।
७७ औं मिनेटमा गोन्जालो हिगुइनले गोल गर्दै अर्जेन्टिनालाई फेरि अग्रता दिलाए । तर, ८४ औं मिनेटमा पाएको पेनाल्टीमा कुइभाले गोल गर्दै पेरु हारबाट बच्न सफल भयो ।
