शनिश्चरे, मोरङ / विजयादशमीको अवसरमा नवजागरण क्लबले मोरङको पथरीशनिश्चरेस्थित जिरिखिम्तीमा सम्पन्न गरेको फुटबल प्रतियोगिताको खसी पुरस्कार ६ नम्बर टोलले हात पारेको छ । डाँसमोरङ्गी सामुदायिक वनको ७ टोलको ७ वटा टिमबीच भएको शनिबारको फाइनल प्रतिष्पर्धामा ३ नम्बर टोललाई ३–२ गोल अन्तरले पराजित गरी १५ हजार रुपैयाँ बराबरको खसी पुरस्कार प्राप्त गरेको छ ।
उपविजेता बनेको ३ नम्बर टोलले १० हजार रुपैयाँ बराबरको खसी प्राप्त गरेको छ । प्रतियोगिताका लागि सम्पूर्ण खर्च डाँसमोरङ्गी सामुदायिक बन समूहले व्यहोरेको हो । वन समूह कोषाध्यक्ष भीमबहादुर मगरले पुरस्कार प्रदान गरेका छन् ।
