चितुवाको छालासहित युवक पक्राउ

भीमदत्तनगर/सुदूरपश्चिम क्षेत्रीय अनुसन्धान ब्युरोले शनिबार चितुवाको एक थान छालासहित कैलालीको गोदावरी गाविस–६ ओदालीका ३२ बर्षिय दलबहादुर साउदलाई पक्राउ गरेको छ । ब्युरोबाट प्रहरी सहायक निरीक्षक केशव जोशीको नेतृत्वमा खटिएको प्रहरी टोलीले अत्तरीया नगरपालिकाको गोदावरी पुलबाट उक्त छाला र अभियुक्त नियन्त्रणमा लिएको हो । प्लास्टिकको झोलामा लुकाइछिपाइ भीमदत्तनगरतर्फ ल्याउँदै गर्दा प्रहरीले साउदलाई छालासहित पक्राउ गरेको सुदूरपश्चिम क्षेत्रीय प्रहरी कार्यालयले जनाएको छ । पक्राउ परेका अभियुक्त साउदलाई थप कारबाहीका लागि इलाका वन कार्यालय अत्तरीयालाई जिम्मा लगाइएको प्रहरीले जनाएको छ ।