धरान/त्रिवि कार्यकारी परिषद्को शनिबार बसेको बैठकले आजैदेखि आइओएममा नयाँ डिन नियुक्त गरेको छ । din agrawal बरिष्ठताको आधारमा नियुक्त गरिनु पर्ने माग राख्दै पछिल्लो चोटी प्रा.डा. गोविन्द केसी २१ दिनदेखि आमरणअनसनरत थिए । यो मागसँगै आमरण अनसन तोड्ने सम्भावना बढेको छ । आजैका मितिदेखि लागू हुने गरी आइओएमको डिनमा डा. जगदिश अग्रवाललाई नियुक्त गरेको हो । डा. केसीको ज्यान भन्दा पद ठूलो नभएको भन्दै हालै नियुक्त भएका डिन केपी सिंहले शुक्रबार राजिनामा दिएका थिए । उनको राजिनामासँगै डा. अग्रवाललाई नयाँ नियुक्त गरिएको हो ।