अहिले नेपाली सिनेवृतमा एक चलचित्रको नाम खुबै चर्चा छ, त्यो हो चलचित्र ‘कृ’ । यो चलचित्रको चर्चा हुनुको कारण एउटै छ नायक अनमोल केसी यो चलचित्रका नायक हुन । युवापुस्ताका दर्शकहरुको सर्वाधिक लोकप्रिय नायक अनमोल केसीले यो चलचित्रका लागि २० लाख पारिश्रमिक लिएको खबरदेखी नै खुबै चर्चामा आएको चलचित्र ‘कृ’ को छायाँकन चाँडै सुरु हुँदैछ ।
अनमोल अहिले यही चलचित्रका लागि आफ्नो ज्यान कसिलो बनाइरहेका छन् भने कपाल बढाइरहेका छन् । यही चलचित्रका लागि बनाएको ज्यान र बढाएको कपाल बाहिर नआओस् भन्नका लागि नै उनी झण्डै ५ महिनादेखी घरको चार कुनामा मात्रै सिमित छिन् ।यस्तैमा यो चलचित्रबाट नेपाली रजटपटमा डेब्यू गर्न लागेकी नव-नायिका आदिती बुढाथोकीको चर्चा पनि राम्रै चुलिएको छ नेपाली बजारमा । अहिले सामाजिक सञ्जालमा यदी कुनै नेपाली नायिका सबैभन्दा बढी खोजिने सूचीमा पर्छिन भने ति अनमोलकी हुनेवाला हिरोईन आदिती हुन भन्दा गलत नहोला ।
आदिती अहिले मुम्बईमा छिन् । केही भारतीय म्यूजिक भिडियोका लागि मुम्बईमा रहँदै आएकी आदिती चलचित्र कृका लागि चाँडै नेपाल आउने तयारीमा छिन् । अहिले आदितीका केही तश्वीरहरु खुबै चर्चामा छन् । उनले आफ्नो इन्स्टाग्रामा केही बिकिनी पोजका तश्वीरहरु पोष्ट गरेकी छिन्, जहाँ उनी निकै हट देखिएकी छिन् । कुनै तश्वीरमा उनी बिकिनीमा भारतको गोवाको समुन्द्रि बिचमा देखिएकी छिन् त कतै स्विमिंग गर्दै गरेको देख्न सकिन्छ ।
व्वाईट र रेड बिकिनीमा देखिएकी उनको सुन्दरता तश्वीरमा पनि स्पष्ट देखिन्छ । ‘कृ’ बाट नेपाली रजटपटमा पाइला टेक्न लागेकी यी भाग्यमानी आदितीले पहिलो चलचित्र नै अनमोलसँग खेल्न पाउनु आफैमा एउटा ठूलो उपलब्धि हो । यो चलचित्र आउँदो बर्षको भदौ ९ गतेबाट रिलिज हुँदैछ ।
यो चलचित्रलाई सुरेन्द्र पौडेलले निर्देशन गर्दैछन् । सुवास इन्टरटेन्मेन्टको निर्माण र द सुपर काजोल फिल्मस्को प्रस्तुतीमा यो चलचित्र निर्माण हुन लागेको हो । चलचित्रमा सुवास गिरी र नायक भूवन केसीको लगानी रहनेछ । चलचित्रको कार्यकारी निर्मातामा कमल गिरी, सह–निर्मातामा श्री पराजुली रहेका छन् ।
