काठमाडौं/आउदो चैत ९ गते देखि हरेक बुधबार नेपाल टेलिभिजन प्लसमा दुइजिब्रे नामक नयाँ हास्य-टेलिश्रीङ्खला प्रशारण हुने भएको छ। बेलुका ८: ०५ बजेको समयमा प्रशारण हुने उक्त सिरियल नितान्त हास्यब्यङ्ग्य सिरियल हो।उक्त सिरियलको बजार व्यवस्थापनको जिम्मा D L Films ले लिएको छ।
सिरियलमा सम्पुर्ण कलाकारहरु नयाँ रहेका छन। निर्माता दुर्गा भण्डारीले निर्माण गरेका यो सिरियलमा प्रकाश कोइराला र अनुपम पौडेलले कथा लेखन र निर्देशन गरेका छ्न।साथै दुर्गा भण्डारी प्रकाश कोइराला अनुपम पौडेल मिलन राई लगाएत कलाकारलाइ मुख्य भुमिकामा देख्न सकिने छ। त्यस्तै प्रीती राई, प्रग्यात केसि, अनिता गौतम,बिमल पाठक,बिमल कर्मचार्य, नवीन माझी, राजन उप्रेती रामु बिरहि अर्जुन बिरही गोबिन्द बिसि सपना बिसि आक्रीती मगर लगायत कलाकारको पनि अभिनय रहेको छ।
सिरियलहरुको भिडमा आफ्नो सिरियल एक्दम फरक शैलिको सिरियल भएको निर्माता दुर्गा भण्डारीको आशा रहेको छ, भने दुइजिब्रे हेर्ने दर्शकलाइ यो सिरियलबाट अरु भन्दा केही फरक र नयाँपन दिन आफुहरुले प्रयास गरेको लेखक तथा निर्देशकहरु द्वय प्रकाश र अनुपम बताउछ्न।
