विराटनगर/ विराटनगर– १४ स्थित एक चप्पल पसलमा आगलागी भएको छ ।

विराटनगर–७ का विक्रम साहले स्थानीय कुलदीप साहको घरमा सञ्चालन गरेको फुट प्रिन्ट जुता–चप्पल पसलमा आगलागी भएको पूर्व क्षेत्रीय प्रहरी कार्यालय, विराटनगरले जनाएको छ ।

बन्द पसलभित्र सो आगलागी हुँदा जुता, चप्पल पूर्णरुपले जलेर नष्ट भएका छन् । प्रहरी र दमकलको सहयोगले आगो नियन्त्रणमा लिएको छ । उक्त घटनामा क्षतिको विवरण सङ्कलन गर्ने कार्य भइरहेको बताइएको छ ।