अविवाहित भनिएका कपिल शर्मा विवाहित निस्किए रु यसरी चिनाए आफ्नी श्रीमती
भारतका चर्चित हास्यकलाकार कपिल शर्माले शनिबार बिहान आफ्ना प्रशंसकहरुलाई चकित बनाइदिएका छन् । आफ्नो आधिकारिक फेसबुक पेजमा आफूसँग एक युवतीको फोटो राखेर उनले ती युवती आफ्नी श्रीमती भएको जानकारी दिए ।
युवतीलाई अगाडि राखेर आफू पछाडिपट्टी बसेको उक्त फोटोको क्याप्सन उनले राखेका छन्, ‘मेरी श्रीमतीलाई भेट्नुहोस् । म उनलाई दिपिकाभन्दा पनि माया गर्छु ।’
उनलाई थुप्रैले शुभकामना पनि दिएका छन् ।
केही समय पहिले करणको कार्यक्रम ‘कफी विद करण’ मा आफूले विवाह गर्ने नगर्ने बारे सोच्नै नसकेको बताएका थिए । आमाले विवाहको लागि निकै कर गरेपनि आफूले भने अहिले कामका बारे मात्र सोचिरहेको उनले जानकारी दिएका थिए । यस्तो अवस्थामा उनको यो फोटोले उनका प्रशंसक आश्चर्यचकित हुनु कुनै नौलो कुरा होइन ।
आफू दीपिका पादुकोणको ठूलै प्रशंसक बताउने कपिलले कहिँ कतै प्रेमिकाबारे सोधे सबैभन्दा पहिले दीपिकाकै नाम अघि सार्दथे ।
