तेह्रथुमको पर्यटन गुरुयोजना बनाइँदै

विज्ञ, सरोकारवाला, स्थानीयवासी, राजनीतिक दल, उद्योग वाणिज्य सङ्घ, सुरक्षा निकाय प्रमुख, सरकारी तथा गैरसरकारी सङ्घसंस्थाका प्रमुख, पर्यटन व्यवसायी, होटल व्यवसायी, संरक्षणकर्मी, सञ्चारकर्मीलगायतसँग छलफल गरी गुरुयोजना बनाइँदैछ । सबै पक्षको सुझाव सङ्कलन गरेर गुरुयोजना निर्माण गर्ने काम भइरहेको स्थानीय विकास अधिकारी तुलसी गौतमले बताउनुभयो । जिल्ला समन्वय समितिले विज्ञका रूपमा पर्यटन तथा स्थानीय विकास योजना विज्ञ प्रा डा प्रेम शर्मालाई लिएको छ । शर्मासहितको संलग्नतामा पहिलो पटक पर्यटकीय गुरुयोजना निर्माणका लागि सर्वपक्षीय छलफल चलाइएको थियो । तेह्रथुमलगायत पूर्वी पहाडको पर्यटन यहाँको प्रकृति र संस्कृतिसँग जोडिएकाले यही क्षेत्रको प्रवद्र्धन हुने किसिमले गुरुयोजना बन्दै गरेको शर्माले बताउनुभयो । यसका लागि जिल्लाका दुई नगरपालिकासहित चारवटै गाउँपालिकामा आफूहरू पुगेर छलफल गरिरहेको उहाँले बताए । “हामीले प्रत्येक गाउँपालिका पुगेर पर्यटकीय सम्भावनाका सूचना सङ्कलन गरिरहेका छौँ,” शर्माले भने, “त्यहाँबाट आएका सुझाव र सूचनाका आधारमा गुरुयोजना निर्माण गर्दैछौँ ।” रासस