धरान/जिरोपोइन्टदेखि भानुचौक तर्फ आउने क्रममा को १ क १५७० नम्बरको जेसिभी क्रेन ब्रेक फेल भई दुर्घटना भएको छ ।
[caption id="attachment_36355" align="alignnone" width="800"]
तस्बिर सहयाेगः बसन्त रार्इ[/caption]
धरान–४ स्थित अप्सरा ड्राइभिङ सेन्टरको अघिल्तिर रहेको प्रिमा ग्यासको घरमा ठक्कर दिदा करिव ४ लाख रुपैयाजतिको क्षति भएको ट्राफिक प्रहरीले बताएको छ । त्यस्तै ड्रेनमा पनि क्षति पुगेको छ भने क्रेनमा सामान्य क्षति पुगेको छ ।
त्यस्तै नाम नखुलेका क्रेनका चालकको सामान्य घाइते भएको जिल्ला ट्राफिक प्रहरी कार्यालय धरानका प्रहरी जवान दीपराज अधिकारीले बताए । एक्कासी क्रेनको ब्रेक फेल भएपछि प्रिमा ग्यास कम्पनी रहेको घरको सर्टरमा ठक्कर दिन पुगेको थियो ।
सामान्य घाइते बाहेक मानवीय क्षति भने भएको छैन् । उक्त क्रेन सुनिल अग्रवालको रहेको भन्ने खुल्नमा आएको ट्राफिक कार्यालयले जनाएको छ ।
