मलेसिया / मलेसियामा बैदेशिक रोजगारीका लागि गएका एक नेपालीको छतबाट खसेर मृत्यु भएको छ ।
मलेसियाको प्रिसिन्ट सेभेनस्थित मलेसियन एण्टी कर्पोरेसन कमिसनको भवन निर्माणमा खटिएका भीमबहादुर कटुवालको छतबाट खसेर मृत्यु भएको हो ।
३१ बर्षीय भीम बहादुर कटुवाल उक्त बिल्डिङको छतबाट शुक्रवार बिहान खसेको हुनसक्ने बताइएको छ । उनी भूईतल्लाका काम गरिरहेका एक बंगलादेशी नागरिकमाथि खसेका थिए । कटुवालको ठेगाना भने खुलेको छैन ।
पुत्रजयाको ओसीपिडीका सहायक कोम रोसली हसनका अनुसार छतबाट खसेका भीमको बाँया खुट्टा काटिनुका साथै टाउकोमा गम्भीर चोट लागेको थियो
बिल्डिङको १७ औं र २३ औं तल्लाको छत खुल्ला भएका कारण त्यहाँ कार्यरत भीम त्यस खुल्ला ठाउँबाट खसेको हुन सक्ने उनले बताए ।
एसिपी रोसलीका अनुसार ४५ बर्षीय उक्त बंगलादेशी नागरिक पनि दाँया पाखुरा भाँचिएको थियो र उनी अहिले पुत्रजयास्थित अस्पतालमा उपचार गरिरहेका छन् । भीमको शवलाई पोष्टमार्टमको लागि पठाइएको उनले बताए ।
