मोरङ/विराटनगर–१३ को अरनिको उच्च माविले कक्षा १२ को विज्ञान सङ्कायका विद्यार्थीलाई आइतबार विराटनगरमा एक कार्यक्रम आयोजना गरी बिदाइ गरेको छ । कलेजमा अध्ययनरत विज्ञान सङ्कायका १५ औँ ब्याचका विद्यार्थीलाई मायाको चिनो प्रदान गरी कलेजले बिदाइ गरेको हो । कार्यक्रममा कलेजले लिएको आन्तरिक परीक्षा, हिसानले लिएको परीक्षा तथा खेलकुदमा उत्कृष्ट हुने विद्यार्थीहरूलाई नगदसहित पुरस्कृत गरिएको थियो । कार्यक्रमका प्रमुख अतिथि डिग्री कलेजका प्रमुख डा मनोज राउत, कलेजका प्राचार्य राजेश कार्की, संस्थापक डा भवीन्द्र निरौला, भरत दाहाल, विकास खनाललगायतले बोलेका थिए ।
