रामपुर(पाल्पा)/ कृृष्णादेवी माध्यमिक विद्यालय, रामपुर, भलायटार पाल्पाको विद्यालयको प्रवेशद्वार निर्माणका लागि २ लाख ५५ हजार सहयोग प्राप्त भएको छ ।
रामपुर नगरपालिका गाडाँकोट बस्ने डुकबहादुर थापाले हालै सो रकम सहयोग गरेका हुन् । विद्यालय व्यवस्थापन समितिका अध्यक्ष समेत रहेका थापाले विद्यालयलाई भौतिक पूर्वाधारमा विकास गर्ने उद्देश्यले आर्थिक सहयोग गरेको बताए ।
यस्तै, विद्यालयमा हालै स्व जगतबहादुर थापाको स्मृतिमा निर्माण भएको स्वर्ण स्तम्भका लागि प्रधानाध्यापक महेन्द्रराज थापाले १ लाख १२ हजार पाँचसय रकम सहयोग गरेका हुन् । साथै, प्रअ थापाले आफ्ना बुबा स्व. जगतबहादुरको स्मृतिमा विद्यालयमा ८२ हजार बराबरको अक्षयकोष रकम स्थापना गरेका छन् ।
सो रकम गरिब तथा जेहेन्दार विद्यार्थीको पठनपाठनमा सहयोग गर्ने प्रअ थापाले बताए । रासस
