पथरी / किरात लिपिका प्रबद्र्धक सिरिजंगाको शालिक निर्माण सहयोगको लागी मोरङको टाँडीमा ‘नव बर्ष साँगीतिक साँझ कार्यक्रम २०७४’ हुने भएको छ ।
सिरिजंगा युवा क्लव र टाँडी युवा क्लबको संयुक्त आयोजनामा नयाँ बर्षको अबसर पारेर बैशाख ३ गते गर्न लागिएको हो । कार्यक्रममा स्थानिय क्षेत्रमा जन्म भएर राष्ट्रिय स्तरमा नै महत्वपुर्ण कार्य गरेको व्यक्तित्वहरु लिम्बूवानी नेता कुमार लिङ्देन मिराक, गायिका एलिना राई, संगीकार जिबेश राई र मुर्तिकार मञ्जुल मितेरीलाई सम्मान गरिने श्रीजंगा युवा क्लबका अध्यक्ष प्रबेश लिम्बुले बताए ।
यसैगरि सो कार्यक्रममा कलाकारहरु दिपक लिम्बु, कुशल थलङ, नरेश लिङ्देन,मेलिना राई, विनोद खम्बु, सुदृष्टि राई सुनिता मिभक,लगायत स्थानिय कलाकारहरुको समेत प्रस्तुती रहने छ । साथै हिमशिखर पिएलो डाँन्स आइडलका कलकारहरुको आकर्षक नृत्य रहने आयोजकले जनाएको छ ।
किराँत लिपिका प्रर्वदक श्रीजंगाको शालिक निर्माणलागि सहयोग जुटाउने उदेश्यले कार्यक्रमको आयोजना गरिन लागिएको टाँडी युवा क्लबका अध्यक्ष महेन्द्र लिम्बुले जनाए । टाँडीको धोबिनीस्थित कालिका स्कुलमा हुने कार्यक्रम साँझ ५ बजेदेखी राति ९ बजेसम्म हुने भएको छ ।
कार्यक्रमबाट भएको मुनाफाले किरात लिपिका प्रबद्र्धक सिरिजंगाको शालिक निर्माण सहयोग गरिने छ । टाँडी साँगीतिक साझ तथा सिरिजंगाको शालिक निर्माण लागि आयोजकले सहयोग गर्न सबैमा अपिल पनि गरेको छ ।
