नारायणगढ /मुग्लिन–नारायणघाट सडकखण्डको चितवन कविलासस्थित घुमाउनेमा पहिरो खस्दा मोटरसाइकल चालकको घटनास्थलमै मृत्यु भएको छ ।
त्यस्तै एकजना उपचारमा लाने क्रममा मृत्यु भएको जिल्ला प्रहरी कार्यालय चितवनले जनाएको छ । सुख्खा पहिरो खस्दा ५ वटा भन्दा बढी सवारी साधन पुरिएका थिए । सोही क्रममा मृत्यु भएको हो ।
मृत्यु हुनेहरुको पहिचान खुल्न सकेको छैन् । जिल्ला प्रहरी कार्यालय चितवनका अनुसार पहिरोमा ट्यांकर, ट्रक, कार र मोटरसाइकल गरी कम्तीमा ५ सवारी साधन पुरिएका छन् ।
सम्पूर्ण क्षतिको विवरण आउन बाकी रहेको छ । प्रहरीका अनुसार सोमबार बिहान पौने एघार बजे पहिरो खसेको थियो । अहिले पनि उद्दार कार्य जारी राखेको छ । यसै क्रममा गृहमन्त्री विमलेन्द्र निधिले सेनालाई उद्दार कार्यमा खट्न तयारी अवस्थामा रहनको लागि निर्देशन गरेका छन् । पहिरो हटाउने कार्य जारी छ ।
