लज्जित बनाउने बलिउडका ९ चर्चित झापडकाण्डहरु
एजेन्सी/बलिउडका केही यस्ता सेलिब्रिटीहरु रहेका छन् जो चर्चामा आउनका लागि बेलाबेलामा आश्चर्यलाग्दा पब्लिसिटी गरिरहन्छन् । कोही भने आफ्नो रिस सम्हाल्न नसक्दा यस्ता हर्कतहरु गर्ने गर्छन् ।
कतिपय आफ्नो बयानका कारण चर्चामा आउँछन् र खुलेआम झापड हानेका दृश्यका कारण विवादमा आउने गरेका छन् । बलिउड सेलिब्रिटीका झापड काण्डहरु
१.सलमान खान
सन् २००९ मा दिल्लीको एक व्यापारीको छोरी नायक सलमान खानको प्राइभेट नशाको सुरमा पार्टीमा घुसेर सलमान खानलाई सबैको अगाडि एक झापड हानिन् । तर यो झापड क्यामेरामा कैद भएको थिएन ।
स्रोतको अनुसार उनले सलमानलाई झापड हान्नु भन्दा पहिले सुस्मिता सेन र सोहेल खानलाई पनि दुव्र्यवहार गरेकी थिइन ।
सलमानले नरिसाइकन आफ्नो बडिगार्डलाई उक्त केटीलाई बाहिर निकाल्न लगाएका थिए ।
२.मिका सिंह बलिउडका गायक मिक्का सिंहलाई आफ्नो कन्सर्टको क्रममा एक डाक्टरलाई झापड हानेको घटनाले धेरै ने तनाव दियो । दिल्ली प्रहरीले इन्द्रपूरी प्रहरी थानामा मिक्काको विरुद्धमा एक केश फाइल गर्यो जसमा उक्त घटनामा मिक्काको गल्ती भएको प्रष्ट्याइएको छ ।
मिक्काको झापडबाट पिडित श्रीकान्त एक आँखा चिकित्सक थिए । मिकाको झापड यति कडा थियो कित्यसले श्रीकान्तको देब्रे कानभित्र चोट लागेको थियो । उक्त घटना दिल्ली अप्थामोलोजिकल सोसाइटीले आयोजना गरेको एक कार्यक्रममा भएको थियो ।
३.गोविन्दा बलिउड स्टार गोविन्दाले फिल्म ‘मनि हे तो हनि हे’ को सुटिङको क्रममा एकजना पत्रकारलाई झापड हानेको क्यामेरामा कैद भएको थियो जसले बलिउड नै हल्लाएको थियो । ति पत्रकारले गोविन्दाले अन्य कलाकार र नायिकालाई दुव्र्यवहार गरेको आरोप लगाएका थिए ।
४. उमा भारती
भाजपा नेतृ उमा भारती जो आफ्नो रिसाहा स्वभावको कारणले चर्चित छन् उनले एक पार्टी कार्यकर्तालाई सार्वजनिक रुपमा झापड हानेकी थिइन । सन् २००८ मा र यो क्यामेरामा कैद भएको थियो ।
५. राखी सावन्त
राखी सावन्तले पनि आफ्नो एक प्रेमी अभिषेक अवस्थीलाई झापड हानेकी हुन् । अवस्थीले प्रेमको नाटक गरेको भन्दै राखीले झापड हानेकी हुन् ।
६. ऋतिक रोशन
ऋतिक रोशन कुल स्वभाव भएका नायक मानिन्छन् तर शिरडी मन्दिरबाट बाहिरिने क्रममा मिडियाकर्मीहरुले उनलाई यतिपछ्याए कि उनलाई रिस उठ्यो र एकजनालाई झापड नै हानिदिए । यो उनको फिल्म ‘काइट्स’ को प्रर्दशन हुनु भन्दा केही पहिलेको कुरा हो त्यस्तै सन् २०१२ मा पनि यी स्टारलाई हाँसो मजाकमा एक साथीले थप्पड हानेको भिडियो भाइरल भएको थियो ।
७. सुनन्दा पुश्कर
सन् २०१२ मा मानव संशाधन मन्त्री भएका शशी थरुरकी श्रीमती सुनन्दा पुश्करले विमान स्थलमा दुव्र्यवहार गरेको भन्दै एक युवकलाई झापड हानेकी थिइन् ।
८. नग्मा
कलाकारिताबाट राजनितिमा प्रवेश गरेकी नग्माले सन् २०१४ को लोकसभा चुनावमा कांग्रेसको प्रचार प्रसार गर्ने क्रममा एक मानिसलाई झापड हानेकी थिइन् । उक्त मानिसले भिडमा उनलाई दुव्र्यवहार गरेको आरोपमा झापड हानेकी हुन् ।
९. गौहर खान
अभिनेत्री गौहर खानलाई एक टिभी कार्यक्रमको सुटिङको क्रममा एकजना दर्शकले छोटो कपडा लगाएको आरोपमा झापड हानेका थिए ।
