ताप्लेजुङ/ ताप्लेजुङको आठराई त्रिवेणी गाउँपालीका–१ मा एक महिला मृत अबस्थामा फेला परेकि छिन् ।
साविक निगुरादिन ६ निवासी दिलिप थलङ (लिम्बु) कि ३० वर्षीय श्रीमति सिर्जना लिम्बु घर नजिकैको बारीमा मृत अबस्थामा फेला परेको प्रहरीले जनाएको छ ।
विहान घाँस काट्न आएका गाउँलेले घर नजिकैको बारीमा सिर्जनालाई मृत फेला परेपछि प्रहरीलाई खबर गरेका थिए । अहिले सो स्थानमा प्रहरी पुगेर घटनाको विषयमा अनुसन्धान गरीरहेको छ ।
घर मुनीको मकैबारी माडेको, मानिसको धेरै पाईला बारीमा भेटिएको र मृतक सिर्जनाको सव भेटिएको स्थानमा धेरै रगत बगेको भेटिएकाले उनको हत्या भएको आसंका गरीएको छ ।
श्रीमान बैदेशिक रोजगारीमा रहेका छन् । सिर्जना ४–५ वर्षीय छोरा सँग घरमा बस्दै आएकि थिईन ।
