लोड अवस्थाको चार नाल बन्दुकसहित एक पक्राउ

धरान/मोरङको केराबारी गाँउपालिका–८ हजारबिघाबाट प्रहरीले बिहीबार ४ नाल भरुवा बन्दुकसहित एक जनालाई पक्राउ गरेको छ । पक्राउ पर्नेमा सोही ठाउँका कनकटोल बस्ने छत्रबहादुर घोरसाने रहेको प्रहरीले जनाएको छ । घोरसानेले ग्वालीमा लुकाएर राखेको अवस्थामा प्रहरीले गोप्य सूचना पाएपछि छापा मार्ने क्रममा इलाका प्रहरी कार्यालय केराबारी र शसश्त्र प्रहरी बेश क्याम्प लक्ष्मीमार्गबाट खटिएको प्रहरीको टोलीले भरुवा बन्दुक बराम गरेको हो । लोड भएको अवस्थामा ४ नाल भरुवा बन्दुक बरामद भएको इप्रका केराबारीले जनाएको छ । बरामद बन्दुकसहित छत्रबहादुरलाई इलाका प्रहरी कार्यालय केराबारमा राखी थप अनुसन्धान भइरहेको छ ।