मोटरसाइकलको ठक्करबाट बालकको मृत्यु

धरान/सुनसरीको ईनरुवा नगरपालिका–४ मा बुधबार बिहान मोटरसाईकलको ठक्करबाट एक बालकको मृत्यु भएको छ । ईनरुवा–डुम्राहास्थित भित्री सडक खण्डमा बा ५ प ४६२७ नम्बरको मोटरसाईकलको ठक्करबाट सोही ठाउँ बस्ने कामेश्वर सदाको २ बर्षिय छोरा नमन सदाको मृत्यु भएको हो । ठक्करबाट गम्भीर घाइते बालकको ईनरुवा अस्पतालमा उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ । मोटरसाइकल चालक फरार रहेका छन् भने मोटरसाइकललाई प्रहरीले नियन्त्रणमा लिएको छ ।