नयाँ दिल्ली / विश्वका १०० प्रभावशाली महिलाको सूचीमा अभिनेत्री प्रियंका चोपडा पनि परेकी छन् । चर्चित म्यागजिन फोब्र्सले उनलाई मनोरन्जन र मिडिया दुनियाको सबैभन्दा प्राभावशाली महिलाको सूची भित्र १५ औं स्थानमा राखेको हो । यो सूची चर्चित पप गायिका बियोन्स चौथो स्थान र गायक टेलर स्विफ्ट १२ औं स्थानमा अटाएका छन् । यो म्यागजिनको सबै श्रेणीको सूची भित्र भने प्रियंका ९७औं स्थानमा अटाएकी छन् । सूचिमा जर्मनीकी चान्सलर पहिलो स्थानमा रहेकी छन् । गायिका बियोन्स ५०औं र टेलर ८५ औ स्थान छिन् । १०० प्रभावशाली महिलाको सूची भित्र अमेरिकी राष्ट्रपति डोनल्ड ट्रम्पकी छोरी इवाम्का पनि अटाएकी छन् । सामाजिक काममा पनि देखिदै आएकी प्रियंका बलिउड तथा हलिउड अभिनयमा समेत सक्रिय छिन् । एक हलिउड टेलिभिजन शोमा नियमित काम गरिरहेकी प्रियंका अमेरिकी टेलिभिजन शोमा काम गर्ने पहिलो भारतिय कलाकार पनि हुन् । फोब्र्सले सार्वजनिक गरेको सबैभन्दा बढी कमाइ गर्ने अभिनेत्रीको सुचिमा भने प्रियंका ८आैँ स्थानमा छिन् । गतबर्ष प्रियंकाको नाम यो सुचिको १० औं स्थानमा समावेश थियो ।
फोब्र्सले जारी गरेको बलिउडका १० कमाउ अभिनेत्रीको सुचिमा भने उनी ७ स्थानमा परेकी छन् । हलिउड टेलिभिजन शोका कारणले प्रियंका दुई पटकसम्म पीपल्स च्वाइस अवार्ड बिजेता समेत बनेकी छन् । एजेन्सी
