धरान/बलात्कारको शिकारमा परेकी भोजपुर दुङ्मानाकी एक किशोरीलाई धरानको पारालिगल कमिटीले आर्थिक सहयोग गरेको छ । पारालिगल कमिटीका पदाधिकारीहरुले ति किशोरीलाई १२ हजार ५ सय रुपैया आर्थिक सहयोग गरेको हो । जमुना त्रिखत्री मोक्तानका अनुसार शुक्रबार ति किशोरीलाई बीपी कोइराला स्वास्थ्य विज्ञान प्रतिष्ठानको उपचार कक्षमा पुगेर सहयोग गरिएको हो । उनको लागि कानुनी उपचारका लागि पनि पहल गरिरहेको उनले बताइन् । त्यस्तै उनीसहित सकुन्तला भुषाल, लक्ष्मी खतिवडाले ति किशोरीलाई नगद १५ हजार छुट्टै रुपमा सहयोग गरेको छ । किशोरी कात्तिक ११ गते बलात्कारको शिकारमा परेकी थिइन् भने उनको आँखा झिक्नेसम्मको प्रयास गरिएको थियो । स्थानीय सन्तोष श्रेष्ठले घाँस काट्न जाने क्रममा बलात्कार गरेका थिए । श्रेष्ठलाई प्रहरीले कात्तिक १२ गते पक्राउ गरिसकेको छ ।