मोरङ । "सिमावर्ती क्षेत्रमा तस्करी नियन्त्रण गर्ने अभियान” अन्तर्गत आज प्रहरीले १ लाख भन्दा बढीको खाद्यान्न तथा लत्ताकपडा बरामद गरी भन्सार कार्यालय रानी बुझाएको छ।
इलाका प्रहरी कार्यालय रानीबाट खटिएको टोलीले भारतबाट नेपालतर्फ तस्करी गरी ल्याउँदै गरेको १ लाख ४० हजार २ सय मूल्य बराबरको खाद्यान्न तथा लत्ताकपडा बरामद गरेको १ नं. प्रदेश प्रहरी कार्यालय विराटनगरले जनाएकाे छ ।
बरामद गरिएको उक्त सामान आवश्यक अनुसन्धान पश्चात भन्सार कार्यालय रानीमा बुझाईएको इलाका प्रहरी कार्यालय रानीका प्रमुख प्रहरी निरीक्षक सन्तोष निरौलाले जानकारी दिनु भयो।
