यो फिल्मको ट्रेलर शुक्रबार रिलिज भयो । ट्रेलर सार्वजनिक भएको केहि घन्टामै रेकर्ड नै रेकर्ड बनेको छ । ट्रेलर सार्वजनिक भएको १९ घन्टामै यसले नेपालमा युटुब ट्रेन्डिङको १ नम्बरमा कब्जा जमायो । यस्तै, १९ घन्टामै सर्वाधिक पटक हेरिएको फिल्मको ट्रेलर पनि ‘कृ’ बन्न सफल भएको छ ।
यो फिल्मको ट्रेलरलाई २४ घन्टामा ६ लाख २२ हजार भन्दा धेरै दर्शकले हेरेका छन् । अभिनेता अनमोल केसीको क्रेज र ट्रेलरको मेकिङले यस्तो हाइप पाएको हो । सुरेन्द्र पौडेलले निर्देशन गरेको फिल्ममा अनमोल केसी, अदिती वुढाथोकी, अनुपविक्रम शाही, कामेश्वर चौरासिया, सरोज खनाल लगायतका कलाकारले अभिनय गरेका छन् । फिल्ममा सुवास गिरी र भूवन केसीले लगानी गरेका छन् ।
