विराटनगर/ मोरङको छुट्टा छुट्टै तीन स्थानमा बुधबार भएको सवारी दुर्घटनामा ४ जना घाइते भएका छन्। बुढिगंगा गाउँपालिका–३ स्थित कोशी राजमार्गमा उत्तरबाट दक्षिण तर्फ आउदै गरेको भारतीय नम्बर बि र ३८ डी ४९८६ नम्बरको ट्रकको ठक्करबाट को २५ प ४२४२ नम्बरको मोटरसाइकल चालक विराटनगर महानगरपालिका–१० बस्ने ४२ बर्षिय अशोक कुमार सापकोटा र पछाडी सवार सोही ठाउँका ३५ बर्षिय विजय शर्मा घाइते भएका छन्। घाइते दुवैको विराट मेडिकल कलेज गंगा चोकमा उपचार भइरेहको छ। ट्रकका चालक फरार रहेकाले खोजी भइरेहको प्रहरीले जनाएको छ। यता बुढिगंगा गाउँपालिका–४ स्थित स्वस्तिक जुटमिल अगाडी को १६ प ५६३६ नम्बरको मोटरसाइकलको ठक्करबाट मोरङ बुढिगंगा गाउँपालिका(५ पोठिया बस्ने मोहमद जमिलको छोरा ८ बर्षिय नुरस्लाम मिया घाइते भएका छन्। उनको विराट मेडिकल कलेज गंगा चोकमा उपचार भइरेहको छ भने मोटरसाइकलका चालकलाई इलाका प्रहरी कार्यालय निमुवाले नियन्त्रणमा लिएको छ। यस्तै रतुवामाई नगरपालिका–४ आमबारी स्थित उर्लाबारी(आमबारी सडक खण्डमा दक्षिणबाट उत्तरतर्फ जादै गरेको वि आर ३७ के ७०५३ नम्बरको भारतीय मोटरसाइकलको ठक्करबाट सोही ठाउँकी नयालाल ताजपुरीयाको ५ बर्षिया छोरी रमादेवी ताजपुरिया घाइते भएकी छिन्। घाइते बालिककाको नोबेल अस्पताल बिराटनगरमा उपचार भइरेहको छ भने मोटरसाइकलका चालक प्रहरी चौकी झुर्कियाको नियन्त्रणमा छन्।
