धनकुटा । जिल्लाको चौविसे गाउपालिका–७मौनावुधुकको वुधुकमाध्यमिकबिद्यालयमा शैक्षिक गुणस्तर सुधारका लागि सीसी क्यामेरा जडान गरिएको छ । अध्ययन, अध्यापनलाई निगरानीगरि शैक्षिक गुणस्तर सुधार गर्न विद्यालयले प्रत्येक कक्षा कोठामा सीसी क्यामेरा जडान गरेको हो । एक लाख ९५ हजारको लागतमा १६ वटा सीसी क्यामेरा जडान गरिएको विद्यालयकाशिक्षक पूर्णकुमार योङहाङले बताए । विद्यालयमा सीसी क्यामेरासहितफिङर हाजिरी मेसिन, विद्युतिय घण्टी लगायतसमेत जडान गरिएको छ । विद्यालयमा सीसी क्यामेरा जडान गर्न २६ जना स्थानीयबासीले प्रतिब्यक्ति ३ हजारका दरले ७८ हजार सहयोग गरेका छन् । यसैगरी विद्यार्थी तथाविद्यालय स्रोतबाट समेत रकम जुटाइएको शिक्षक योङहाङले बताए । १२ कक्षासम्म पढाई हुने वुधुकमाविमा ४ सय ३१ जनाविद्यार्थी अध्ययनरत छन् ।