करिब १६ महिना पछि “कृ” चलचित्रबाट पर्दामा आउन लागेका युवा स्टार अनमोल केसीको यति बेला व्यापक चर्चा छ । उनको आउँदो नया चलचित्रको कारण पनि उनलाई यति चर्चा मिलिरहेको छ किन भने पर्दामा उनको लामो समय ग्याप रहयो र उनको नया चलचित्र “कृ” को ट्रेलरले यति बेला धेरैको मन जितिरहेको छ ।
तर यति बेला उनको अर्को खबर अगाडी आएको छ । हुन त उनले केहि समय अगाडी नै “क्याप्टेन” नामक चलचित्रमा अभिनय गर्न लागेको समाचार आईसकेको छ तर समाचारमा नायिकाको खोजि कार्य जारी रहेको कुरा उल्लेख थियो । तर अहिले उक्त काम लगभग सकिएको छ । प्राप्त खबर अनुसार चलचित्र “क्याप्टेन” मा अनमोलको अपोजिटमा उपासना सिंह ठकुरी देखिदैछिन् । उनको यो पहिलो चलचित्र हुनेछ अर्थात उनले यसै चलचित्र मार्फत रजतपटमा डेब्यु गर्दैछिन् ।
हुन त यस चलचित्रमा अनमोल संग अभिनय गर्नको लागि धेरै नायिकाहरुको नाम अगाडी आईरहेको थियो । तर यति बेला सबैभन्दा माथि र अगाडी भने नया युवति उपासना सिंह ठकुरीको नाम आएको छ ।
खबरलाई आधार मान्ने हो भने दीवाकर भट्टराईले निर्देशन गर्न लागेको यो चलचित्रका लागि अनमोलको अपोजिटमा उपासना सिंह ठकुरी लगभग कन्फर्म भइसकेकी छिन् । चलचित्र विकास बोर्डमा निर्माता भुवन केसीले दर्ता गराएको रजिष्ट्ररमा चलचित्र “क्याप्टेन” मा अनमोल र उपासना मुख्य भूमिकामा रहने उल्लेख छ । तर निर्माण टीमबाट प्राप्त जानकारी अनुसार उपासना चलचित्रका लागि कन्फर्म भने भइसकेकी छैनन् । चाँडै निर्माण पक्षले उनको स्क्रिन टेस्ट लिँदैछ । स्रोतका अनुसार “क्याप्टेन” मा अनमोलका लागि खोजिएका अन्य युवती भन्दा निर्माण टीमले उपासनालाई मनपराएको कुरा बाहिर आएको छ । उपासना र अनमोलको केही पटक भेट पनि भइसकेको छ । उपासनाले आफ्नो इन्स्टाग्राममा अनमोल सँगको एक तश्वीर शेयर गरेकी छिन् । यदी अभिनय राम्रो गर्न सकेको खण्डमा अनमोलको छैटौं चलचित्रमा उनी मुख्य भूमिकामा देखिनेछिन् । अनमोलले आफ्नो डेब्यू चलचित्र देखि नै नयाँ नायिका सँग मात्र रोमान्स गरेका छन् । चलचित्र “क्याप्टेन” मा अनमोल फुटबल खेलाडीको भूमिकामा देखिँदैछन् । अर्को वर्षको भदौको तीजमा प्रदर्शन गर्ने गरि चलचित्रको छायांकन फागुन दोस्रो साताबाट सुरु हुनेछ । काजल फिल्मसबाट निर्माण हुने चलचित्रको कथा सामिप्यराज तिमल्सिना र प्रज्ञान थापाले लेखेका हुन् ।
