[caption id="attachment_64999" align="aligncenter" width="777"] फाइल तस्बिर[/caption] काठमाडौं । काठमाडौंसहित देशभर चिसो बढेको छ । १ पुसमा २.८ मा झरेको काठमाडौंको तापक्रम त्यसपछि केही बढेको भए पनि बिहीबार बिहान ३.६ रेकर्ड भएको हाे । काठमाडाैंमा मापन भएकाे पुस १ को तापक्रम याे वर्षकै कम हो ।   मौसम पूर्वानुमान महाशाखाले देशभर चिसो बढेको जानकारी दिँदै काठमाडौंको तापक्रम ३.६ रेकर्ड भएको जनाएको छ । तराई क्षेत्रमा बाक्लो हुस्सु लाग्ने क्रम जारी छ भने मुलुकको पश्चिमी क्षेत्रमा पश्चिमी वायु ‘हाइ क्लाउड’ प्रवेश गरेकाले चिसो बढ्न सक्ने मौसमविद् विभूति पोखरेलले बताइन् । ‘मुलुकको पश्चिमी क्षेत्रमा पश्चिमी वायु प्रवेश गरेकाले चिसो बढ्ने सम्भावना छ,’ उनले भनिन् ।