चिसोका कारण घाँटीमा समस्या उत्पन्न हुन्छ । यो समस्या हामीमध्ये धेरैले भोगिरहेको समस्या हो । घाँटी किन दुख्छ ? यसको अनेक कारण हुन्छ ।

जस्तैः – गलामा टन्सिल हुँदा – कुनै ब्याक्टेरिया वा भाइरसको कारण इन्फेक्सन – कब्जियतको कारण – धेरै मसलेदार भोजन सेवन गर्दा यद्यपी जाडोमा भाइरल इन्फेक्सनका कारण पनि घाँटीमा इन्फेक्सन हुने गर्छ । यसबाट घाँटी दुख्ने, खोकी लाग्ने, सुन्निने आदि समस्या उत्पन्न हुन्छन् । यदि हामीले केही सामान्य घरेलु उपायहरु अपनायौ भने यो समस्याबाट बच्न सकिन्छ । संभव भएसम्म घाँटीको समस्याबाट राहत पाउनका लागि घरेलु उपचार खोज्नुपर्छ । नुन मिसाएर तातो पानीले कुल्ला गर्दा पनि सामान्यत घाँटीको दुखाई ठिक हुन्छ । त्यसबाहेक अन्य विधी पनि छन्, जसले घाँटीको दुखाईमा प्रभावकारी उपचारको काम गर्छ । १. एक–एक चम्चा मह र कागतिको रस मिसाएर पिउनहोस् । २. लसुनका ४–५ केस्रालाई तावामा सेकेर खानुहोस् । ३. एक गिलास पानीमा दालचिनीको एउटा सानो टुक्रा उमाल्नुहोस् । मनतातो भएपछि यसमा एक चम्चा मह मिसाएर पिउनुहोस् । ४. एउटा फराकिलो भाँडोमा दुई गिलास पानी उमाल्नुहोस् । नीलगिरीको तेलको दुई वा तीन थोपा हालेर वाफ लिनुहोस् । ५. तुलसीको ६ वा ७ वटा पत्ता उमालेर दिनमा दुई वा तीन पटकसम्म पिउनुहोस् । ६. मरिजलाई बदामसँग पिसेर सेवन गर्दा पनि फाइदा हुन्छ । ७. एक गिलास पानीमा एक चम्चा नून हालेर उमाल्नुहोस् । पानी मनतातो भएपछि यसले बिहान र बेलुका कुल्ला गर्नुहोस् । ८. एक कप पानीमा अदुवाको एउटा सानो टुक्रा उमाल्नुहोस् । मनतातो भएपछि यसमा एक चम्चा मह हालेर पिउनुहोस् ।