धरान/सुनसरीको कोशी गाउँपालिका ४ स्थित सप्तकोशी कटान क्षेत्रमा मंगलबार विहान अर्नाको आक्रमणबाट एक बालिकाको ज्यान गएको छ । अर्का एक बालक घाइते बनेका छन् । मृत्यु हुनेमा ९ वर्षीया शहजादी खातुन रहेको सुनसरी प्रहरीले जनाएको छ । खातुन र अर्का १६ वर्षीय जाबेद आलमलाई घर नजिकै खेतमा खेल्नेक्रममा विहान ११ः३० बजे अर्नाले आक्रमण गरेको थियो । आक्रमणबाट गम्भीर घाईते भएकी खातुनको उपचारकाक्रमा ईनरुवा अस्तपालमा मृत्यु भएको हो । आलमको भने खुट्टा र ढाडमा चोट लागेकोले सोही अस्पतालमा उपचार भई रहेको जिल्ला प्रहरी कार्यालय सुनसरीले जनाएको हो ।