यसकारण अदिती श्रीमती बन्न योग्य : अनमोल केसी

फिल्मको सार्वजनिक पोस्टर र ट्रेलरबाटै यो जोडीको गजबको तारिफ भइरहेको छ । 'कृ'मा प्रेम-प्रेमिका बनेका अनमोल र अदिती रियल लाइफमा श्रीमान-श्रीमती बन्न सक्छन् ? शनिवार पत्रकारसँग कुराकानी गर्दै अनमोलले भविष्यको कुरा अहिले गर्न नमिल्ने बताए ।

उनी भन्छन्, 'अहिले हामी बीचमा त्यो बोन्डिङ हुनै सक्दैन पनि कसरी भनुँ अनि भविष्यमा हामी कपल हुन्छौ पनि कसरी भनुँ । त्यो भविष्यमा नै थाहा हुन्छ ।' उनी अदितीमा श्रीमतीमा हुनु पर्ने गुण भने रहेको बताउँछन् ।

'एकलौटी छोरी हो । राम्री छ । डिसेन्ट छ । उसमा श्रीमतीमा हुनु पर्ने क्वालिटी छ । रुप अर्को कुरा हो तर उसको मन सफा छ ।', अनमोलले भने । यस्तै, अदिती पनि अनमोललाई कुनै यूवतीले प्रेमी वा श्रीमानको रुपमा पाए भाग्यमानी हुने बताउँछिन् ।

उनी भन्छिन्, 'अनमोल धेरै नै राम्रो केटा हो । सोझो छ । डिसेन्ट छ । प्रेमिका होस् वा श्रीमती, उसले खुसी राख्छ ।' अदितीले अनमोलसँग काम गर्न पाउँदा निकै खुसी महशुस रहेको बताइन् ।

सुवास इन्टरटेन्मेन्ट प्रालिको ब्यानरमा निर्माण भएको 'कृ'लाई द सुपर काजोल फिल्मस्ले प्रस्तुत गरेको हो । यो फिल्ममा अनमोल केसी, अदिती वुढाथोकी, सरोज खनाल, रुपा राना, अनुपविक्रम शाही, कामेश्वर चौरासिया लगायतका कलाकारको मुख्य भूमिका छ ।

सुवास गिरी र भूवन केसी निर्माता रहेको फिल्मलाई सुरेन्द्र पौडेलले निर्देशन गरेका हुन् । फिल्मका कार्यकारी निर्माता कमल गिरी हुन् भने सह–निर्माता श्री पराजुली रहेका छन् ।