पछिल्लो समयकी ब्यस्त र चुस्त अभिनेत्रीको छबि पाएकी प्रियंका कार्कीलाई कुनै कार्यक्रममा उपस्थित गराउने बिचारमा हुनुहुंछ,यदी हुनूहुंछ भने हजुरहरूलाई खुशीको खबर छ ।
आयोजकले प्रियंकाको पारिश्रमिक तिर्ने हो भने उनका प्रेमी नायक आयुषमान जोशीलाई बोनस पाउन सकिने खबरहरु सार्बजनिक भएका छन् । हालै सम्पन्न गुल्मीको रिडी मेलामा अभिनेत्री कार्की पारिश्रमिक लिएर उपस्थित हुदा नायक जोशी भने सित्तैमा उपस्थित भएका छन् ।
आयोजक टिमले केही सामय अघि रिडी मेलामा उपस्थित हुन आग्रह गर्दा प्रियंकाले एक लाख रूपैया आफ्नो पारिश्रमिक बताईन् । आयोजकले नब्बे हजार प्रस्ताव गर्यो र त्यतिकैमा मौखिक सम्झौता भयो । केही दिन पछि मेलामा आयुष्मान पनि उपस्थित हुने चर्चा चल्यो ।
आयोजकले आयुष्मानको लागि रकम नछुटाएको जानकारी दिए पछि आयुषमान सित्तैमा स्टेज उक्लन तयार भए र रिडी मेलामा सितैमा स्टेज चढे । आयोजकका अनुसार गुल्मीमा आयुष्मानको भन्दा प्रियंकाको फ्यान धेरै पाईएको छ तर आयुष्मान प्रियंका भन्दा निकै सरल छन् ।
नायिका प्रियंका कार्की र आयुष्मान एक लाख नगद बुझेर भैरहवाको उडान रद्द भएपछी शनिबार साँझ भरतपुरक़ो उडानबाट काठमाण्डू फर्केका थिए ।
