सुनसरी । जेष्ठ नागरिक १०६ वर्षीया गौरीमाया कटुवाललाई दीर्घ जीवन बाँचेको भन्दै सम्मान गरेको छ । कटुवाल हातेमालो एकता समाजले शनिबार इटहरीमा कटुवालहरूको विशेष साधारणसभामा उनी सम्मानित भएकी हुन् । इटहरी उपमहानगरपालिका–२, शान्तिनगरकी गौरीमायालाई समाजले दोसल्ला ओढाई सम्मान प्रदान गर्दै सम्पूर्ण कटुवाल समुदायले आशिर्वादसमेत लिने कार्य गरेका थिए । कार्यक्रममा ९८ वर्षीय कर्णबहादुर कटुवाललाई पनि दोसल्ला ओढाएर सम्मान गरिएको थियो । कार्यक्रममा कटुवाल समुदायका द्यौसीभैलो खेल्ने नाट्य कलाकारलाई प्रशंसापत्र प्रदान गरियो भने आजीवन सदस्यहरूलाई समेत सम्मान प्रदान गरिएको थियो ।