ताप्लेजुङ । ताप्लेजुङको फक्तालुङ गाउँपालिकामा धारिलो हतियार प्रहार गरी एक महिलाले पतिको हत्या गरेकी छिन् । फक्तालुङ गाउँपालिका ६ बस्ने अन्दाजी २३ वर्षीया शर्मिला लिम्बुले घाँटीमा धारिलो हतियारले प्रहार गरी आफ्नै २४ वर्षिय पति दुर्गा लिम्बुको हत्या गरी फरार भएको प्रहरीले बताएको छ ।
घटनाका विषयमा स्थानीयले बुधबार प्रहरी चौकी तापेथोकमा टेलिफोन मार्फत जानकारी गराएपछि घटनास्थलमा प्रहरीको टोली खटिएको जिल्ला प्रहरी कार्यालय ताप्लेजुङले जनाएको छ । घटनास्थल पुग्न तापेथोकबाट तीन घण्टा लाग्ने प्रहरीको भनाई छ ।
