इनरुवा/ सप्तकोशी नदीमा ट्रक खस्दा दुईजनाको ज्यान गएको छ । पश्चिमबाट पूर्वतर्फ आउँदै गरेको ना ४ ख ३ सय ५६ नम्बर ट्रक कोशी नदीमा खसेको हो । तिव्रगतिमा रहेको स्काभेटर बोकेको ट्रक खाल्टो जोगाउने क्रममा अनियन्त्रित भई नदीमा खसेको प्रहरीको अनुमान छ । दुर्घटनामा ट्रक चालक सुनसरीको चतराका बिनोद बराइली र झुम्काका घनश्याम चौधरीको ज्यान गएको छ । ट्रक नदीमा खसे लगत्तै कोशी ब्यारेजमा रहेको नेपाल प्रहरी र शसस्त्र प्रहरीको टोली उद्दारमा जुटेको थियो । नदीमा खसेका सबैको बेलैमा उद्दार गरिएको थियो । दुर्घटनामा परेका तीनजनाको अवस्था गम्भिर रहेको सुनसरी प्रहरीले जनाएको छ । झापाका सन्तोष अधिकारी, उदयपुरका हरि मगर र बराहक्षेत्रका मणिराज विश्वकर्मालाई थप उपचारका लागि नर्सिङ होम बिराटनगर रेफर गरिएको प्रहरीले जनाएको छ । घाइतेहरु कृष्ण चौधरी, शुक्रराज लामा, राजकुमार मण्डल र आतिषसिंह प्रधानको इनरुवा अस्पतालमा उपचार भइरहेको सुनसरीका प्रहरी नायव उपरीक्षक नारायणप्रसाद चिमरियाले जानकारी दिए ।