बिर्तामोड । झापाको शनिश्चरेमा स्कुल बसको ठक्करबाट एक ब्यक्तिको मृत्यु भएको छ । शनिश्चरे– बुधबारे सडकमा पर्ने अर्जुनधारा ९ को मगरचोकमा स्कूलबसले ठक्कर दिँदा मोटरसाइकल चालक बुद्धशान्तिका राजेश खनालको ज्यान गएको छ ।
बुधबार दिउँसो करिब ११ बजे विर्तामोडको बाल्मिकी एजुकेसन फाउन्डेसनको मे. १ ख २०१९ नम्बरको बस र मे. ६ प ३६३३ नम्बरको मोटरसाइकल एक आपसमा जुधेका थिए । बसको ठक्करबाट बुद्धशान्ति गाउँपालिका २ का २५ बर्षिय खनालको ज्यान गएको जिल्ला ट्राफिक प्रहरी कार्यालय झापाले जनाएको छ । चालक सहित बसलाई प्रहरीले नियन्त्रणमा लिएको छ ।
