धरान (ब्लाष्ट) रोटरी क्लब अफ धरान घोपाको १६ औं पदस्थापन शुक्रबार बीपी कोइराला स्वास्थ्य विज्ञान प्रतिष्ठान परिषरमा गरिएको छ । हालै निर्वाचित मुकेश अग्रवालको अध्यक्षतामा निर्वाचित कमिटीको पदस्थापन गरिएको हो । यसैबीच समाजमा उत्कृष्ट काम गरेवापत् अग्रसेन भवनका संस्थापक मुन्सीराम अग्रवाललाई सम्मानित गरिएको छ । कार्यक्रममा प्रदेश १ का सभामुख प्रदीपकुमार भण्डारीलाई अग्रवाललाई सम्मान–पत्र प्रदान गरे । कमिटीको उपाध्यक्षद्वयमा डा. रविन मास्के र तुलसीप्रसाद वस्ती चयन भएका छन् । यस्तै सचिवमा रोहन हाडा र कोषाध्यक्षमा डा. अजय अग्रवाल छन् । त्यस्तै निर्देशकहरुमा डा. निलाम्बर झा, डा. ज्योत्साना रिमाल, किशोर ताम्राकार, नवीन तामाङ र महेन्द्र अग्रवाल रहेका छन् । ट्रेनरमा मुकुल कायस्थ, सर्जेन्ट एटआम्पमा डा. बिक्रमप्रसाद श्रेष्ठ, टिज कमिटीमा अध्यक्ष आलाङ्कार पलिखे, आरसीसी चेयरमेनमा किशन मास्के, रोट¥याक्ट कोअर्डिनेटरमा पवन अग्रवाल रहेका छन् ।