पथरीशनिश्चरे । मोरङको पथरीशनिश्चरे १ स्थित अस्टलक्ष्मी बचत तथा ऋण सहकारी संस्थाले आफ्ना शेयर सदस्यका लागि मोतीमाला बनाउने ७ दिने निःशुल्क तालिम सम्पन्न गरेको छ ।
समापन कार्यक्रममा बोल्दै नगर उपप्रमुख यमुना बिष्ट वास्तोलाले महिलाहरु आत्मनिर्भर हुन यसखाले गतिविधिमा सक्रिय हुनुपर्ने बताउँदै नगरपालिकाले पनि महिलाको उद्यमशीलतामा जोड दिने कार्यक्रम ल्याउने बताइन् । उनले सहभागिलाई प्रमाणपत्र बितरण गरिन् ।
मोतीमाला बनाउन इच्छा राख्ने १५ जनालाई पहिलो चरणमा तालिम दिइएको संस्थाकी अध्यक्ष बिना राईले जनाइन् । उर्लाबारीकी प्रतिमा मगरातीले तालिमको सहजिकरण गरेकी हुन् ।
