जिरोपोइन्ट । धरानबाट हरेक आइतबार ‘सार्वजनिक समाचार’ नामक पत्रिका प्रकाशन हुने भएको छ । धरान–७ शान्तिपथ प्रधान कार्यालय रहने पत्रिका एसा सुनुवारले प्रकाशन गर्नेछिन् ।
पत्रिकाको सम्पादकमा सुमित्रा राई र कार्यकारी सम्पादकमा प्रवीण राई छन् । पत्रिकाको प्रबन्धक र व्यवस्थापकमा सुमन राई र सागर सरगम चेम्जोङ छन् भने कानुनी सल्लाहकार मानभगत चाम्लिङ हुन् । पत्रिकाले निष्पक्ष, सन्तुलित र समावेशी रूपमा समाचार सम्प्रेसन गर्ने व्यस्थापन समितिका अध्यक्ष गजेन्द्र इस्बोले बताए । आइतबार नेपाल पत्रकार महासङ्घ सुनसरीका अध्यक्ष अमर खडकाले पत्रिका विमोचन गरे । उनले पत्रकारिताको आचार संहिता पालना गर्दै सन्तुलित र तटस्थ पत्रकारिता गर्न उनले शुभकामना पनि दिए ।
