धनकुटा/ सन्राइज बैंक लिमिटेडले धनकुटाले सोमवार आफ्नो ९० औँ शाखा विस्तार गरेको छ । धनकुटा नगरपालिका–७ चुवाको बोटमा सनराइज बैंकले शाखा स्थापना गरी कारोबार सुरु गरेको शाखाका प्रबन्धक दिनेश शर्मा अधिकारीले जानकारी दिए ।
धनकुटा नगरपालिकाका प्रमुख चिन्तन तामाङ्ग, उधोग वाणिज्य संघ धनकुटाका अध्यक्ष उमेश घिमिरे र बैंकका वरिष्ठ नायव महाप्रबन्धक आशा राणा अधिकारीले संयुक्त रुपमा उद्घाटन गरेका थिए । उक्त अवसरमा अधिकारीले सेवाग्राहिलाई अधिकतम सुविधा सहित सर्वसुलभ तथा उच्च स्तरीय बैंकिङ्ग सेवा पुर्याउने बताइन् ।
