पानवारी । धरान उपमहानगरपालिकाका मेयर स्व. तारा सुब्बाको सम्झनामा नेपाल कम्युनिष्ट पाटी (नेकपा) सुनसरीले श्रद्धाञ्जली सभाको आयोजना गरेको छ ।
श्रद्धाञ्जली सभामा स्व. सुब्बाको तस्बिरमा माल्यार्पण गरिएको थियो । स्व. तारा सुब्बाको जीवनी नेकपामा जिल्ला नेता प्रकाश राईले बाचन गर्दै सुब्बा धरानको विकासमा सधै अग्रणी भूमिकामा रहेको स्मरण गरेका थिग । सभामा नेकपा धरानका नेता नारायण सुवेदी, चोत्लुङ, धरानकी कार्यवाहक मेयर मञ्जु भण्डारी, स्व. सुब्बाका दाजु देवेन्द्र सुब्बा, केन्द्रीय सदस्य धर्मरा निरौला, निर्मल बराल लगायतले सुब्बाको तस्बिरमा माल्यार्पण गरेका थिए । श्रद्धाञ्जली सभामा सुनसरीका विभिन्न स्थानीय तहका प्रमुख उपप्रमुख लगायत सांसादहरुको समेत उपस्थिति रहेको थियो ।
नेकपाका जिल्ला नेता योगेन्द्रप्रसाद मण्डलको अध्यक्षतामा भएको श्रद्धाञ्जली सभालाई जिल्ला नेता रमेश बस्नेतले सञ्चालन गरेका थिए ।
