धरान । घोपाक्याम्प ट्याक्सी व्यवसायी सङ्घ कम्पनी ऐनअन्तर्गत (प्राइभेट लिमिटेड) मा दर्ता भएको छ । नेपाल सरकारको नीतिअनुसार प्रालिमा दर्ता गरिएको अध्यक्ष मैतबहादुर तामाङले जानकारी दिए । प्रालिमा दर्ता भएपश्चात् मङ्गलबार उद्घाटन गरिएको सचिव नवराज विष्टले जानकारी दिए । बीपी कोइराला स्वास्थ्य विज्ञान प्रतिष्ठानको मुख्य गेट अघिल्तिर प्रालिको उद्घाटन गरिएको हो । कार्यक्रममा ट्याक्सी व्यवसायीहरू सहभागी थिए ।