धनकुटा । धनकुटाको भेडेटारस्थित माउण्ट एभरेष्ट होटलमा कार्यरत कुकहरूबीच विवादका क्रममा छुरी प्रहार गर्दा एकको मृत्यु भएको छ ।
साँगुरीगढी गाउपालिका–६ का सुरज राईको छुरी प्रहारबाट बिहीबार बिहान १०ः४५ बजे मृत्यु भएको हो । छुरी प्रहारमा संलग्न अर्का कुक बराहक्षेत्र नगरपालिका चक्रघट्टीका निशान लिम्बूलाई पक्राउ गरिएको जिल्ला प्रहरी कार्यालय धनकुटाका एसपी प्रमुख सुरेन्द्रबहादुर गुरूङले जानकारी दिए । उनलाई प्रहरीले होटलबाटै पक्राउ गरेको हो ।
उनीहरूबीच के विषयमा विवाद भएको भन्नेबारे खुल्न सकेको छैन । त्यसविषयमा अनुसन्धान भइरहेको एसपी गुरूङले जानकारी दिए ।
