चितवन । काठमाडौंबाट पोखरा जाँदै गरेको बस ट्रकसँग ठोक्किएपछि त्रिशुली नदीमा खस्दा ५ जनाकाे मृत्यु भएकाे छ ।
चितवनको इच्छाकामना गाउँपालिका–३ तुम्लिङटारस्थित सडकखण्डमा खानीखोलाबाट धोएर सकडमा निकाल्दै गरेको ना५ख ७४०९ नम्बरको ट्रकसँग ठोक्किएपछि करिब ३२ जना सवार ना६ख २५०६ नम्बरको बस त्रिशुली नदी किनारमा खसेको हाे।
मृत्यु हुनेमा तीन जना पुरुष र दुई महिला रहेका छन् । घटनामा घाइते भएका करिव २३ जनाकाे उद्दार गरी उपचारका लागि भरतपुर ल्यार्इएकाे तथा सामान्य घाइतेकाे गजुरी स्थित क्लिनिकमा उपचार भइरहेकाे छ । च्यापिएका केहीको अझैपनि उद्दार भइरहेको जिल्ला प्रहरी कार्यलाय चितवनले जनाकारी दिएकाे छ । घटनालगत्तै चितवनको कुरिनटारमा रहेको सशस्त्र प्रहरी बलको विपद् व्यवस्थापन तालिम केन्द्रका सशस्त्र प्रहरी, नेपाल प्रहरी उद्दारमा खटिएका थिए ।ट्रक चालकलार्इ जाेगिमार प्रहरीले नियन्त्रणमा लिएकाे छ ।
