भोजपुर । २ तले घरमा आगलागी हुँदा भोजपुरको षडानन्द नगरपालिका १२ सथित सिमल-भञ्ज्याङ बस्ने शम्भु खत्रीको अन्दाजी ३ लाख ५८ हजार मूल्य बराबरको क्षति भएको छ ।
घरमा बिजुली तार सर्ट भई खत्रीको किराना पसलमा आगलागी हुँदा बिहीबार दिउँसो उक्त मूल्य बराबरको क्षति भएको हो ।
आगलागीबाट घर भित्र रहेको सम्पूर्ण सर-सामान लगायत किराना पसलमा रहेको किराना सामान जलेर नष्ट भएको पिडितले बताएका छन् ।
घट्नास्थलमा प्रहरी चौकी देउरालीबाट खटिएको टोली तथा स्थानीय मानिसको सहयोगमा पूर्ण रुपमा नियन्त्रणमा आएको प्रहरी चौकी देउरालीले जनाएकाे छ ।
