सुनसरी । प्रहरीले सुनसरीको इटहरी उपमहानगरपालिका ६ बस्ने होमराज ढकालको स्कुटर चोरी गरी भाग्दै गरेका मोरङ उर्लाबारी नगरपालिका ७ बस्ने १८ वर्षीय दिनेश अधिकारीलाई आइतबार राती पक्राउ गरेको छ।

अधिकारीले ढकालको ईटहरी-६ स्थित रवि होटलको मेनगेटको ताला फुटाई भित्र पार्किङ गरी राखेको स्कुटर चोरी गरी भाग्दै थिए।

उनलाई इलाका प्रहरी कार्यालय इटहरीबाट परिचालन भएको टोलीले स्कुटरसहित पक्राउ गरेको हो।

अधिकारीलाई इलाका प्रहरी कार्यालयमा राखि थप अनुसन्धान भईरहेको छ।