इलाम/इलाम जिल्लाको सूर्योदय नगरपालिका वडानम्बर ४ छिरुवाबाट मे. १ च ४२६८ नम्बरको पिकअफ मार्फत् सातवटा गोरु र एउटा राँगा पक्राउ गरेको छ । प्रहरी चौकी श्रीअन्तुबाट खटिएको टोलीले गाडी चालकसहित झापा जिल्ला बुद्धशान्ति गाउँपालिका–३ बस्ने ३७ वर्षीय खेमराज सुवेदीलाई नियन्त्रणमा लिई इलाका प्रहरी कार्यालय पशुपतिनगरमा राखिएको जनाएको छ । यस्तै इलाका प्रहरी चौकी पशुपतिनगरले नेपालबाट भारततर्फ लान लागेको ७३ पिस लेडिज कपडा, १ सय ९३ डण्डा चुरोट बरामद गरी भन्सार कार्यालयमा बुझाएको जिल्ला प्रहरी कार्यालय इलामले जानकारी गराएको छ ।