इटहरी /आफ्नै नाबालक जुम्ल्याह बच्चाको निर्मम हत्या गरी फरार भएकी २० वर्षीया कमला विक शुक्रबार इटहरीबाट पक्राउ परेकी छिन् । ताप्लेजुङको पाथीभरा याङ्वरक गाउँपालिका वडा नम्बर २ की विकलाई इटहरी प्रहरीले पक्राउ गरेको हो । जुम्ल्याहा छोरीलाई सेफ्टी ट्याङ्कीमा फालेर हत्या गरी फरार भएकी थिइन् । माइती गएको बेला जुम्ल्याहा सन्तान फालेर बेपत्ता बनेकी उनलाई इटहरीमा पक्राउ गरेको इलाका प्रहरी कार्यालय इटहरीका डिएसपी शिव श्रेष्ठले बताए । शुक्रबार इटहरीबाट धरानतर्फ जाने क्रममा उनलाई प्रहरीले नियन्त्रणमा लिएको र उनलाई शुक्रबार नै ताप्लेजुङ पठाएको जनाए ।
