धरान । पूर्वाञ्चल इञ्जिनियरिङ क्याम्पस धरानमा अध्ययनरत अखिल क्रान्तिकारी तथा अखिल नेपाल राष्ट्रिय स्वतन्त्र विद्यार्थी युनियनका विद्यार्थीहरूले धरान–१ स्थित असहाय अपाङ्गता भएकाहरूलाई खाद्य तथा लत्ता कपडाहरू प्रदान गरेका छन् । मङ्गलबार सो क्याम्पसमा अध्ययनरत पहिलो दोस्रो र तेस्रो वर्षका विद्यार्थीहरूले चौथौ वर्षका विद्यार्थीहरूले विदाइ गर्न आयोजित कार्यक्रम गरेका थिए । सोही अवसरमा उनीहरूले सङ्कलन गरेको दुई बोरा लताकपडा र खाद्य सामग्री पुरानो अस्पतालमा पुगेर वितरण गरेका थिए । सो वितरण कार्यक्रममा अखिल क्रान्तिकारीका केन्द्रीय सदस्य एकराज कोइराला, निर्मला सिवाकोटी, खेम रनपहेँलीलगायतको उपस्थिति रहेको थियो ।
