बिर्तामोड । होटल हिकोला हेरिटेज तेस्रो बर्ष पूरा गरी चौथो बर्षमा प्रवेश गरेको छ । शनिवार होटल परिसरमा आयोजित पत्रकार सम्मेलनमा होटल चौथो बर्षमा सफलता पूर्वक प्रवेश गरेको सञ्चालक देवीभक्त श्रेष्ठले जानकारी दिए ।
आन्तरिक तथा बाह्य पर्यटकको सुविधालाई मध्यनजर गर्दै श्रेष्ठले २०७२ भदौ ४ गते होटलको स्थापना गरेका हुन् । होटलले छोटो समयमा गुणस्तरीय सेवा प्रदान गर्न सफल भएको सञ्चालक श्रेष्ठको भनाई छ । होटलमा भारत, बंगलादेश, अस्टे«लिया लगायतका मुलुकबाट पर्यटक आउने गरेको श्रेष्ठले बताए । वार्षिक उत्सवको अवसरमा भदौ ४ गते गायक लाक्पा शेर्पाले होटलमा साँगितीक प्रस्तुती पस्कने भएका छन् । उनले ‘झस्केर दुख्छ यो मुटु मेरो’ जस्ता लोकप्रिय गीतहरु प्रस्तुत गर्ने बताइएको छ ।
साथै बार्षिक उत्सवको अवसरमा ग्राहकलाई विशेष छुटको समेत ब्यवस्था गरिएको होटल सञ्चालक करुणा श्रेष्ठले जानकारी दिइन् । पारिवरिक वातावरणसहितको रेष्टुरेन्ट, भिआइपी वार तथा सुबिधा सम्पन्न कोठा रहेको होटलमा ५ सय भन्दा बढी खानपिनका परिकार उपलब्ध हुने श्रेष्ठले जानकारी दिइन् । बार्षिक उत्सवकै अवसरमा ७ जना उत्कृष्ट कर्मचारीलाई सम्मान गरिने पत्रकार सम्मेलनमा जानकारी दिइएको छ । हाल होटलले २५ जनालाई प्रत्यक्ष रोजगारी दिएको छ ।
