उदयपुर । उदयपुरमा माछा मार्ने क्रममा करेन्ट लागेर एक युवाको मृत्यु भएको छ । उदयपुरगढी गाउँपालिका–७ स्थित ध्वाँसे खोलामा माछा मार्न करेन्ट लगाउँदा एक युवाको मृत्यु भएको हो । उदयपुरगढी गापा –७ निवासी २० वर्षीय कैलाश रानामगरको मृत्यु भएको जिल्ला प्रहरी कार्यालय उदयपुरले जनाएको छ । मेनलाइनबाट करेन्ट जडान गरी माछा मार्ने क्रममा चिप्लिएर खोलामा खस्दा मगरको मृत्यु भएको प्रहरीले बताए । करेन्ट लगाएको तारले लाग्दा २३ वर्षीय उमेश रानामगर सामान्य घाइते भएको जिल्ला प्रहरी कार्यालय उदयपुरले जनाएको छ ।
